Atisaqanngitsoq appisaluunneqartoq qassiiliutaavoq
Eric Massap Obamap nammineq partiianeersup præsidentip sulisoqarnermut pisortaa nuannarivallaanngilaa Tiaavulullu piaraanik taagorlugu.
- Rahm Emanuelip taasinermik ataatsimik pissarsiumalluni arni tuniniarsimagaluarpaa, ilaquttanilu qimuttuitsut sioraannut pituttorumasimagaluarlugit, taanna taama oqarpoq.
Emanuelip Massa inussaminik toortarsimavaa Obamallu missingersuusiaanut akuerseqqullugu sioorasaarlugu - taakkua marluullutik atisaqaratik atisaajartarfimmiinneranni. Pisoq nuanninngilaq, taama oqarpoq.
Oqaluttuaq maanna USA-mi Konservativit tusagassiorfiini ingerlaalerpoq, uani Ras Limborgip radiokkut aallakaatitaani:
Rahm Emanuel Kongressimi Obamap peqqinnissakkut allanngortiteriniarnerani oqallisaaqisumi taasinissat qulakkeerneqarnissaannik ilaatigut suliaqarpoq siornatigullu sakkortuumik periaaseqarnini pillugu isornartorsiorneqarsimalluni.
USA pillugu immikkut paasisimasalik Mads Fuglede naliliivoq Rahm Emanuel atisaqarani appisaluussigaluarluni suli Obamamut tapersersortaasoq, tamannali aamma killissaqartoq.
- Atorfimmi tassani inissisimaneq politikkikkut oqaluuserisassani pingaaruteqaqaaq Det Hvide Husimilu naluneqanngitsutut atorfilittanut pisortaq pisuutinneqaqattaartuartoq pisariaqartinneqartutullu præsidentip pitsaasumik ingerlanissaanut sunniuteqarsinnaanngitsoq akuersaarneqarsinnaanngilaq, Mads Fuglede DR-imut oqarpoq.
