Atisanik atortunillu ilusilersukkat Narsami saqqummersinneqarput

Narsami katersugaasivik pisoqarfiujuartartoq nutaamik soqutiginartumik saqqummersitsinissaminut piareerpoq. Tamatumuuna katersugaasiviup aasaanerani nuannarineqarluarsinnaasut, Nauja Lynge Lyngesenip, Narsami meeraasimasup suliai saqqummersinneqalerput.
Allattoq Louise M. Kleemann
maajip 20-at 2008 11:18

Atisanik atortunillu ilusilersuisarfiutimini, Arctic Designers-imi, Nauja Lynge Lyngesenip ilaatigut puisit amii aamma eqalussuup amii suliarisarpai kiisalu puisit amii ilaatillugit pinnersaasiortarluni.

Narsami katersugaasiviup ilaatigut saqqummersissavai taskit, atortunik atoqqiinikkut suliat, soorlu sikkilit traktorillu assakaasuisa pullattagartaanit puisit amiinik ilasanit taskiliat. Aamma saqqummersinneqassapput uliguat nammineq qalipatat, puisit amiinit kiasequsiat, aamma eqalussuup amianit atequt, Nauja Lynge Lyngesenip aliikkusersuisartumut Jette Torp-imut atequsiaa saqqummersitanut ilaassaaq.

Saqqummersitsineq sapaatiuppat maajip 25-anni Narsami A-21-mi ammarneqassaaq ilaatigullu takutitsisoqassalluni. Eqqumiitsuliortoq ammaanersiornermi peqataassaaq, tassa piffissami matumani Nunatta Kujataani inuuneq pillugu, angunni Torben Emil Lynge peqatigalugu filmeeraliorami. Angutaa siornatigut Narsami borgmesteriusimavoq eqqumiitsuliortorsuullu Hans Lyngep erneralugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq