Atisaliortut ingerlalluartut
Atisanik mutiliortartut nunarsuarmi tamaneersut ulluni makkunani Københavnimi katersuupput. Atisanik nutaanerpaanik takutitsisaqattaarnerit tuniniaanerillu sapaatiuppat naggataarneqartussat ippassaq aallartipput. Øksne Hallenimi ulaputtutut akornanniippoq Isaksen Design.
Isaksen Designimik piginnittut panigiit Rita aamma Nickie Isaksen atisanik mutinik atisaliatik pukkittormiunut Islandimiunillu tuneqqammerpaat. Panigiit atisaliatik ukiut kingulliit ingerlanerini alutorineqaraluttuinnartut tuluttut "Greenlandic Spirit" ilisarnaasertarpaat.
- Suleqatigiit arfineq-marlunngornikuuvugut, Nickie Isaksen oqarpoq. Isaksen Designikkut aggustip ingerlanerani Nunat avannarliit Reykjavikimi kulturisiorneranni aamma atisaliaminnik saqqummersitsisussaapput.
Septemberimi USA-mi pisinniartartut saqqummersitsivigiartussamaarlugit Nickie Isaksenip aamma oqaatigaa.
DR2 -p atisanik takutitsinersuaq pillugu arfininngorpat aallakaatitsissaaq, tassani Isaksen Designikkut aamma takuneqarsinnaassapput.
