Atcon Grønland A/S-imi piginneqatigiissutit EMJ Grønlandimit pisiarineqarnerisigut piginneqatigiiffinngortup 200 millionit koruunit missaat ukiumut kaajalukaartittassavai, katillugillu 125-nik sulisoqassalluni.
- Aaqqiineq illuatungeriinnut tamanut iluarinarluinnarpoq, taama oqarpoq Atcon Grønland A/S-ip pisortaa, Mogens Øgaard Larsen. Atcon piginneqatigiiffittut ingerlaannassaaq, EMJ-ip ataani inissisimalissalluni.
- EMJ suliffeqarfimmik annertusaanissaminik pisariaqartitsisimavoq, piffissamilu sivisulaartumi aqutsisut akornanni kinguaariit nikinnissaat kissaatigineqarsimavoq. Piginneqatigiiffiit taakku marluusut ataatsimoorussamik ingerlatsinikkut tapersoqatigiilluartuullutik.
Atcon 1970-ikkut aallartinneranni pilersinneqarpoq, maannalu Kommuneqarfik Sermersuumi kommunip inissiaataanik namminerlu pigisassanik inissialiornermik ingerlatsilluni. EMJ Grønland 1992-imi pilersinneqarpoq sinerissamilu assiginngitsunik suliaqartareerluni, ilaatigut Royal Greenlandip raajaleriffia Paamiuniittoq aamma Maarmoriliup ammaqqinneqarnissaanut tungnasunik.