Atassutip siulittaasortaava Gerhardt Petersen: Avataanit tikisinneqartartut pakkersimaarneqartariaqarput

Inuussutissarsiutitigut suliaqartut avataaniit tikisinneqartartut pakkersimaarneqarnissaat Atassutip siulittaasortaavanit Gerhardt Petersenimit sulissutiginiarneqarpoq.
Allattoq Jaaku Lyberth
aggustip 31-at 2009 14:58

Kikkut tamat avataaniit tikeraannarnerat akuersaaginnannarnagu nunap inuiisa suliassaqarnissaasa siulliutinneqarnissaat soqutigisariaqarparput, Atassutip siulittaasua Gerhardt Petersen oqarpoq. Avataaninngaaniit tikerartitsisarneq pinngitsoorsinnaanngilarput, tamannalu pakkersimaarniarlugu ilinniartitaaneq annertunerusoq ingerlanneqartariaqarpoq, Gerhardt Petersen oqarpoq. Atorfissaqartinnerpaasatta kisimik tikerartinneqarnissaasa isumagineqarnissaa Atassummit sulissutiginiarneqarpoq. Nunatta inuiisa suliassaqartinneqarnissaasa siulliutinneqarnissaat Atassutip siulittaasuanit siulliunniarneqarput. Inuussutissarsiutitigut suliat kalaallinit suliarineqarsinnaasut, maannakkut avataaniit tikisinneqarlutik suliarineqartut, soorlu taxartartut, sanasut, mekanikerit inuussutissarsiutinilu tamaginni takussaapput, Gerhardt Petersen oqarpoq.

Ataatsimeersuarnermi taasisinnaasunit 25-usunit 15-it Gerhardt Petersen siulittaasutut qinerpaat.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk