Atassutip naalakkersuisuutitani aappissavaa
Ineqarnermut, pinngortitamut avatangiisinullu naalakkersuisuuffik Atassummeersumik inuttalerneqassaaq. Siverth K. Heilmannip Radioaviisimit apersorneqarluni tamanna uppernarsarpaa. Namminerli imaluunnii Gerhardt Peterseniluunniit naalakkersuisunngussanersoq oqaatigiumanngilaa.
KNR-imi Namminersorlutik Oqartussani tusarfinnit pingasunit uppernarsartipparput Aleqa Hammondip Siverth K. Heilmann naalakkersuisunngortinniaraa. Heilmannip toqqagaasimanini uppernarsarusunngilaa, Atassummeersumilli Naalakkersuisunngotitsisoqarnissaa ilumoornerarlugu.
Radioaviip tusarfiisa aamma uppernarsarpaat Atassutip siulittaasuata inuussutissarsiornikkut ajutoornerpassui Miiti Lyngep taartissarsiorneranut annertuumik sunniuteqarsimasut.