Atassut atsiornernik katersisariaqartoq
Qinigassanngortitserusullutik atsiornernik katerseqqaartariaqartut tassaanerusaraluarput partiit nutaat.
Partiimulli ilaasortat ukiuni kingullerni ikiliartorsimanerat pissutigalugu Atassut imaaliinnarluni qinigassanngortitsisinnaanngilaq.
Qinersinermut inatsit naapertorlugu partiit Inatsisartunut qinersinermi kingullermi qinigaatitaqartut sulilu qinigaatitaqartut qineqqusaartitsisinnaapput.
Kingullertullu taaneqartoq ajornartorsitaavoq. Atassummi Inatsisartunut qinigaatitani marluusut ukioq manna annaavai. Knud Kristiansen januaarimi partiimit ilasortaajunnaarpoq kingornalu aamma Mala Høy Kúko partiimit ilaasortaajunnaarpoq Siumumullu ilaasortanngorlutik.
Atuagagdliutit naapertorlugit, Atassut Qaqortumi atsiornernik katersilluni aallartissimavoq partiillu siulittaasuata atsiornernik naammattunik katersinissaq ajornartorsiutaassasorinngilaa, taamatulli inissisimasoqalernera uggornarnerarpaa.
- Naagga, ajornartorsiutaanavianngilaq. Taamaaliortariaqarnerpulli paaminnarteqaara. Naatsorsuutigaara sukkasuumik atsiornernik katersisinnaassalluta, Inatsisartunullu qinersinissami 2-3-nik qinigaatitaqarluta, Siverth K. Heilmann aviisimut taama oqarpoq.
