Atassut: partiimi nutarterivugut

Atassutip partiitut kinguariartuinnarnini killormut saatinniarlugu sinerissami immikkoortortani uummarissarniarpai inuusuttullu siulersuisuunernut qinigaasut suleqataanissamut piareersimapput, Atassutip siulersuisuunissaminik ippassaq qinersinerani unammillerneqangaarani qinigaasoq, Finn Karlsen ullumi oqarpoq:

Siulersuisuuninngortut inuusunnerusuinnaapput piumassuseqarluarlutillu Atassutip kinguariartorani nukittoriartornissaanut suleqataassallutik, Finn Karlsen neriulluarpoq. Siulersuisullu soraartut aallarteriigaat immikkoortortanik nukittorsaaneq nanginneqassaaq, maannakkorpiarlu immikkoortortaqarfiit orneqattaarneqarput suli atasut nukittorsarneqassallutik unittoorsimasullu aallarteqqinneqassallutik illoqarfinni nunaqarfinnilu. Demokraatit Siumukkormiunut Atassutikkunnullu unammillertaavallaalersimanerat sakkukillisarniarlugu suliaq aallartereersoq Finn Karlsen oqarpoq, politikikkullu Atassutip anguniagaanut atuagaaqqiaq pitsassuaq maanna nutarterneqarpoq ullutsinnut naleqqussarlugu, allaffeqarfimmilu ulluinnarni aqutsisut maanna suliakkerneqarput naqitaq taanna piaartumik naamasseqqulugu sinerissamut siaruartinneqassammat., Finn Karlsenillu naatsorsuutigilluinnarpaa Atassut siumut saaqqissasoq, Atassutimmi politikkikkut anguniagaa pitsassuuvoq paasineqarnissaalu amigaataaginnarluni, Atassutip siulittaasortaava, Finn Karlsen naggasiivoq.

Sermitsiap aaqqissuisua, Poul Krarup, isumaqarpoq Atassutip maanna peeriarnera partiimik annaasseriarneusoq, ukiunimi kingullerni Atassut kinguariartuinnavissimavoq, Finn Karlsenillu maanna soqutiginaataa tassaasoq kalaaleqatiminut saaffiginnimmat siornatigut Atassut qallunaanut atasorujussuugaluarmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat