Atassut: Naalakkersuisoqatigiit aaqqiagiingissuteqanngillat

Juunip aappaanni Inatsisartunut qinersisoqassasoq naalakkersuisut siulittaasuata Hans Enoksenip ippassaq nalunaarutigaa. Naalakkersuisoqataasup Atassutip tamanna isumaqatigaa oqarlunilu Naalakkersuisoqatigiit aaqqiagiinngissuteqanngitsut.
Allattoq Jens Thorin
apriilip 15-at 2009 16:46

Atassutip siulittaasua, aalisarnermut naalakkersuisoq Finn Karlsen isumaqarpoq, maannakkut qinersinissaq pitsaalluinnartoq, juunip 21-anni namminesulerutta kikkut naalakkersuisuussanersut inuiaqatigiit aperineqassammata. Aammali Inatsisartut aqagu tallimanngornermi katersuussimagaluarpata ajornartorsiulersinnaanertik takusinnaavaa:

- Siunnersuuterpassuit 100 millionilikkaanik nalillit siunnersuutiginiarneqarput. Taava itigartitsineq, kingusinnerusukkut qineqqusaarnermi atornerlunnerqarsinnaapput, Finn Karlsen oqarpoq.

Aalisarneq pillugu inatsisissap, ukiuni arlalinni kinguartinneqartartup, upernaaq manna oqallissiginissaa pilersaarutaagaluarpoq, aalisarneq pillugu ataatsimiititaliarsuup inassutai ilaatinnerqassalluitik.

Aalisartut ikiliartortinneqarnissaaannik atatsimiisitaliarsuup inassutaa, Atassutip aalisarneq pillugu oqaaseqartartuata, Augusta Sallingip februaarip 20-ani isumaqatiginngilaa.

Kisianni Finn Karlsen oqarpoq, naalakkersuisoqatigiit aalisarneq pillugu aaqqiagiinngissuteqanngitsut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq