Atassut naalakkersuisooqataanianngitsoq
Qinersisoqarnissaa suaarutigineqarneranit ulloq ataaseq qaangiusimalersorlu Atassutip siulittaasua taama oqariartuuteqarpoq.
- Soorunami qinersinissap inernissaa utaqqeqqaartariaqarparput kisianni naalakkersuisoqatigiittarsimavugut aamma pilliuteqarpallaartarsimasutut misigisimavunga 1995-imiilli suleqataasarninni, Siverth K. Heilmann oqarpoq.
AAMMA ATUARUK Qaqugu qinersisoqassanersoq Inatsisartut sapaatip-akunnerata tulliani aalajangissavaat
AAMMA ATUARUK Partiit angummanniarput
Inatsisartunut 2014-imi qinersisoqarmat Atassut, Demokraatit Siumullu Naalakkersuisooqatigiilerput, 2016-imi suleqatigiikkunnaarlutik.
Atassutip Inatsisartuni ilaasortaatitai marluk, siulittaasuusimasoq Knud Kristiansen Mala Høy Kukolu partiimit tunuarlutik Siumumut ilaasortanngormata Atassut perngaammik Inatsisartuni issiasuutitaaruppoq.
Maannalu qinersinermi ilaasortaatitaqaqqilissagunik Naalakkersuisooqataajunnaratik Siverth k. Heilmanip oqaatigaa.
- Massakkuugallartoq illuatungiuliuttuunissaq uannit pingaaruteqarpoq soorunami qinersinermi isertitaqarnissaq taanna siulliullugu. Politikikkullu anguniakkagut assigiinngitsut nalilersornissaat pingaarnerpaajugallarput, Siverth K. Heilmann oqarpoq.
Aalisarneq inuussutissarsiornerlu Atassutip qinigaatitaqassaguni siuarsaaqataaffigissagaa Siverth K. Heilmannip aamma oqaatigaa.
AAMMA ATUARUK Aalisarnermut inatsit mittarfiillu kinguartinneqartussanngortut