ATASSUT Folketingimut qinersinissami sisamanik sassartitsissaaq

ATASSUT-ip ulluinnarni aqutsisui ippassaq unnukkut kingusissukkut ataatsimiipput, Folketingimut novembarip ulluisa 13-ianni qinersinissami kikkut sassartinneqassanersut tassani aalajangiunneqarlutik.
oktobarip 25-at 2007 05:29

ATASSUT-ip sassartinniagaani arnat amerlanerussuteqarput. Tassa arnat pingasuugamik ataatsimik angutitaqarlutik, taakkulu arlaata ATASSUT-ip Folketingimi ilaasortaatitaqaqqilernissaa anguniassavaat.

Sassartinniakkat tassaapput Inatsisartunut ilaasortat Ellen Christoffersen aamma Emilie Olsen, ATASSUT-ip allattaa Jensine Berthelsen angutitatuaallu tassaavoq Ove Thomassen.

Folketingimut 2001-imi qinersisoqarmalli ATASSUT Folketingimi issiatitaqarsimanngilaq.

ATASSUT-ip sassartinniakkani saqqummiutereermagit partiit annerit sisamat sassartitassatik taamaalillutik inissippaat.

Siumup sassartitassani ippassaq unnukkut saqqummiuppai, ilimagineqareersutut Lars-Emil Johansen sassartinneqassaaq, sinnerilu tassaapput Doris Jakobsen, Mininnguaq Kleist aamma Vivian Motzfeldt.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq