Ataatsimik ukiulik Ilulissani toqutaavoq

Niviarsiaqqamik ataatsimik ukiulimmik Ilulissani toqutsisoqarpoq. Toqutsineq sisamanngormat ualikkut pivoq, taama Politimester Steen Silberg Thomsen ilisimatsitsivoq.
Allattoq Mads Lynge
aggustip 25-at 2008 11:06

Pasineqartoq qaammatini pingasuni tigummigallagassanngorlugu parnaarunneqarpoq, eqqarsartaatikkullu misissugassanngotinneqarluni.

- Taamatut pinerluttoqarsimatillugu isumannaarusuttarparput inuk pinerlussimasoq eqqarsartaatimigut peqqissuusoq, Politimesteri Steen Siilberg Thomsen Radioavisimut oqarpoq.

Pinerluttoqarsimaneranik paasiniaaneq suli ingerlanneqarmat politimestereqarfimmiit oqaatigineqarusunngilaq kina pasineqarluni tigummigallagassanngortinneqarsimanersoq.

Paamiuni angut 49-nik ukiulik meeqqamik 15-init ataallugit ukiulimmut kinguaassiutitigut atornerluisimasutut pasineqarluni arfininngormat tigusarineqarpoq.

Angut pasineqartoq sapaatip akunnerini sisamani tigummigallagassanngorlugu parnaarunneqartoq Paamiuni Politiit ilisimatsitsipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq