Ataatsimiititaliarsuarnik inuttalersuisarneq kimmaassutaavoq
Aningaasaqarnikkut ingerlatsineq pillugu nalunaarut inatsisartuni saqqumminneqarmat, ataatsimiititaliarsuit marluk Naalakkersuisunit sulisinneqartut, Siumukkunnit nunasiaataaqqilernertut taaneqartut, Inuit Ataqatigiit inatsisartuni ilaasortaatitaat tusagassiuutinut nalunaaruteqarlutik allapput.
Ataatsimiititaliarsuarmi ilaasortat Kalaallit Nunaat pillugu ilisimasaat annikinnerarlugit nunaqavissullu ataatsimiititaliarsuarmi ilaasortaannginnerat, Siumut siulittaasuanit Aleqa Hammondimit uparuartuutigineqarpoq.
Tamannali ilumuunngitsoq IA erseqqissaavoq.
- Ataatsimiititaliarsuarni marlunni naalakkersuisuinit pilersinneqartuni ilaasortani quliusuni affaat kalaaliupput. Ataatsimiititaliarsuarmi ilaasortaq ataaseq qallunaaq Kalaallit Nunaanni najugaqarsimavoq, alla ilaasortaq Kalaallit Nunaanni aningaasarsiorneq pillugu ikiorpassuarni suliaqarsimalluni, Inuit Ataqatigiit Inatsisartuni ilaasortaatitaat tusagassiuutinut allagaqarnerminni taamatut allapput.
- Nunatsinni innuttaasut imminut nikanartumik inissisimasutut nakkaannarnavianngillat, IA-p inatsisartuni ilaasortaatitaat taamatut allapput.