Ataatsimiititaliaq: Arkalo Abelsen naammattumik piffissaqarsimagaluarpoq
Naalakkersuisunut ilaasortaq Arkalo Abelsen Timmissanut nalunaarutip naammassinissaannut naammattumik piffissaqarsimagaluartoq, inatsisartut eqqissisimatitsinermut avatangiisinullu ataatsimiititaliaata siulittaasuat Emilie Olsen oqarpoq.
-Arkalo Abelsenip suliassaq siorna septembarimiit ukioq manna januaarimut tigummigamiuk piffissami tassani naammassisimasinnaagaluarpaa, Emilie Olsen oqarpoq nangillunilu:
- Eqqissisimatitsinermut Avatangiisinullu Ataatsimiititaliamiit eqqartorparput suleqatigiissitaliamilluunniit pilersitsisoqarsimanngimmat. Upernaakkut ataatsimiinneq aallartimmat naalakkersuisoq atorfilittanut suliamik ingerlatitsisimanerarpoq, kisiat atorfilittat uparuarnianngilakka naalakkersuisoq tassaammat suliap naammassineqarnissaannut akisussaanerpaaq.