Ataatsimiinneq aporaannermik aallarnerneqarpoq

Borgmesterit kommunaldirektørillu ataatsimiinnerat aporaannermik aallarnerneqarpoq suliassaqarfiit Namminersornerullutik Oqartussanit kommuninut nussorneqarnissaat pillugit suleqatigiissitanit inassutigineqartut saqqummiunneqarmata.

Borgmesterit ataatsimiineranni suliassaqarfiit assigiinngitsut kommuninut nussorneqarsinnaasut suleqatigiissitanit inassutigineqarlutik saqqummiussorneqarput.

Sammisaq siulleq tikikkaluaannaq borgmesterit arlariit inassutigineqartumut akerliullutik oqariartuuteqarput.

Ilulissat borgmesteriat Anthon Frederiksen borgmesterit kommunaldirektørillu ataatsimiineranni meeqqanik inuusuttunillu paaqqinnittarfeqarneq pillugu ima oqaaseqarpoq:

-Imatut isikkulerlugu akuerissagutsigu ullumikkut, aamma Avannaata Kommunissaani ippassaq oqaloqatigiinitsinni aamma isumaqatiginngilarput januaarip aallaqaataa 2009 taanna KANUKOKA-p siulittaasuata Naalakkersuisullu siulittaasuata isumaqatigiissutigisimasaat aallaavigalugu uani pineqartut pillugit tunniunneqassasut. Tassami uani pappiliami ersarissumik takuneqarsinnaapput soorlu illuutinut tunngatillugu, aserfallatsaalinerit ilaallu ilanngullugit qanoq pisariaqartitsisoqartiginersoq ersinngillat, taakkualu kommuninut taamaasiinnarlugit tunniunneqassappata kingusinnerusukkut kommuninut akisoorujussuanngorsinnaavoq. Taamaattumik uuma imatut isikkoqarluni akuerineqarnissaa naaggaarluinnartariaqarpoq, pingaartumik januaarip ulluisa aallaqaataat 2009 eqqarsaatigalugu.

Suliassaqarfiit januaarip ulluisa aallaqaataanni 2009-miit kommuneqarfissanut nussorneqarnissaanut kissaatigineqartut tassaapput:

Meeqqanik inuusuttunillu paaqqinnittarfeqarneq, innarluutilinnik isumaginninneq, imerajuttunik katsorsaaneq, PPR aamma annertusisamik immikkut ittumik atuartitsineq kiisalu inuussutissarsiutinut tapiissuteqartarnerit.

Suliassaqarfiit qitiusumiiginnarnissaanik kissaatigineqartut tassaapput:

Peqqinnissamut ilitsersuisoqarneq, angerlarsimaffinni napparsimasunik paarsineq, nioqqutissanik pilersuinermi angallassinikkut kiffartuussineq, mittarfiit kiisalu umiarsualiviit.

Suliassaqarfiit suli suliarineqartut arlaatigulluunniit suli piareerneqanngitsut tassaapput:

Innaallagissamik imermillu pilersuineq, ineqarneq, pilersaarusiortarneq, sanaartorneq kiisalu qarasaasiakkut kiffartuussiviit IT-lu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat