Ataatsimeeqataasut ikippallaarsoraat
- ”Allannguutaasimasinnaagaluarpoq uani ataatsimeersuarnitsinni inuinnaat innuttaasut angajoqqaatut inissisimasut aanaakkutut anaanatut atsaakkutut qanigisaalluni inissisimasut ulluinnarni sullinneqartartut atuisuusut qanoq misigisimapput sunaana amigaataasoq sooq-ukua peqataatinneqanngitsut annertunerusumik massakkumi qiviaraanni amerlanerpaarpaartaat inuit arfineq pingasut eqqaassanngikkaanni atorfeqareertuupput taava imminnut immaqa pattartarlutillu nersualaarlutilluunniit saqqummiuppaat suliatik kisianni illuatungiliuttutut inississinnaasut ikittuaraararsuupput”
Taamatut oqarpoq Charlotte Fencker Noahsen peqatigiiffik ”Meeqqat Inuunerissut” sinnerlugu peqataasoq. Nuannaarutigaalli workshopikkaarluni ingerlatsinissamik siunnersuutertik malinneqarsimammat.
Martha Lund Olsen Ilaqutariinnermut Peqqissutsimullu Naalakkersuisoqarfimmi pisortaq ima akivoq:
- "Ilaqutariinnik avataaninngaaniik aamma peqataatitaqarpugut maani ilaasa meeqqatik ilagalugit ilaasa ilaginangit maani aamma akuupput saqqummiissat aamma arlallit pisortani sulisuunngillat soorlu angajoqqaarsiaalluni qanoq innersoq tassani aamma saqqummiisoqartussaavoq peqatigiiffimminngaaniik aamma saqqummiisussaapput familiehøjskolerlutik misilittagaqartut qanoq issimanersoq familiehøjskolemut peqataalluni aamma ilaqutariit tassani saqqummiissapput aamma ileqquusunik atorunnaarsitsineq inuunermi oqaluttuaq ilumoortoq soorlu aamma taamatut saqqummiisoqassaaq aamma avataanit, atorfileqarnermut tunngasuunngitsoq aamma ualimut saqqummiussissaaq atornerluinermik qaangiinerminut oqaluttuartoq”.
Peqatigiiffik ”Meeqqat Inuunerissut”- meersut piareersarnermiit qaammatit marluk matuma siornatigut tunuarput, aalajangiunneqartut ingerlateqqinneqarneq ajortut misigijuaramikkit.
