Ataatassarsiuinermi immikkorluinnaq iliuuseqarneq
Bobby Fischerip ukiut marluk matuma siornatigut 64-inik ukioqarluni Islandimi toqusup ataatassarsiuussinermut atatillugu inuttut sanaaneqaataa DNA atorfissaartinneqarmat, ilerra assallugu timaanit sanaaneqaatanit ullaaq tigusiffigineqarpoq, Islandimi politiit nalunaarput.
Bobby Fischerip timaata sananeqaataanit tigusisoqarnissaq Islandimi eqqartuussiviit qullersaannit junip qaammataata qeqqani akuersissutigineqarpoq.
Ataatassarsiuunneqartoq tassaavoq Jinky Young, filipiinamiup Bobby Fischerip aapparisarsimasaata pania, ullumikkut qulingiluanik ukioqartoq. Jinky Youngip timaata sananeqataanit pisut Islandimi siorna tunnniunneqarput misississugassanngorlugit.
Bobby Fischer amerikamiuuvoq, toqussi sioqqullugu nunagisamit qimaasutut inuulluni. Bobby Fischer siornatigut Jugoslaviaasimasumi skakkimik unammeqataasarpoq, naak Jugoslavien USA-mit niuernikkut nunamillu attaveqartarnikkut mattussaaqqagaluartoq.
Bobby Fischer piffissap ilaani qimaasutut Filippinerini Japanimilu najugaqarpoq, toqussi sioqqullugu Islandimi innuttaassuseqalernissaanik neqeroorfigineqarpoq.
