Kunngikkormiut tikeraarnerat Ataasinngorneq: Kunngikkormiut Maniitsumi

Kongehuset.dk naapertorlugu pilersaarutit imaapput:

Pisortatigoortumik tikilluaqqusineq nal. 10
Kunngikkormiut borgmesterip tullianit Gedion Lyberthimit kommunalbestyrelsimilu ilaasortanit tikilluaqquneqassapput.

Meeqqerivimmut Kuunnguamut pulaarneq
Nal. 10.35
Meeqqeriviup pisortaata kunngikkormiut tikilluaqqussavai Meeqqerivitsialallu pillugu nassuiaallugit. Tamatuma kingorna kunngikkormiut piujuaannartitsineq pillugu ukiumut suliaqarluarnerpaat pillugit oqaluttuunneqassapput. Pulaarneranni meeqqanit aliikkusersorneqssapput.

Ataqqinartorsuup Dronningip pilersaarutai:
Royal Greenland A/S-imut pulaarneq
Nal. 11.15
Pulaarnerani dronningi tunisassiorfimmi angalaarunneqassaaq. 

Kunngikkormiutut ataqqinassusillip Prins Henriup pilersaarutai:
Lilleholm Food
Nal. 11.15
Pulaarnerani prins Henrik tunisassiorfimmi angalaarunneqassaaq.

Ataatsimut pilersaarutaat:
Hotel Maniitsumi ullup qeqqasiorneq

Nal. 12.00
Borgmesterip tullia ullup qeqqasiornermi qaaqqusisuuvoq.

Sanaluttarfimmut pulaarneq
Nal. 13.00
Kunngikkormiut sanaluttarfimmi angalaarunneqassapput.

Katersugaasivimmut pulaarneq
Nal. 13.20
Katersugaasivimmi saqqummersitanik takutitsineq.

Utoqqaat illuannut Neriusaamut pulaarneq
Nal. 13.50
Utoqqaat illuata pisortaata tulliata kunngikkormiut tikilluaqqussavai angalaarullugillu. Neriusaaq Kalaallit Nunaanni suliffitsialattut 2013-imi toqqagaavoq.

Kaffillerneq
Nal. 14.20
Kunngikkormiut illoqarfiullu innuttai timersortarfimmi kaffillernermi peqataassapput. 

Inuulluaqqusineq
Nal. 15.00
Kunngikkormiut umiarsuaat Dannebrog Nuummut aallassaaq.

Kunngikkormiut Nunatsinnut tikeraarneranni pilersaarutit tamakkiisut kunngikkormiut pisortatigoortumik nittartagaanni takuneqarsinnaapput.