Astrid Fleischer Rex toqukkut qimaguppoq

Inatsisartuni ilaasortaasimasoq, Astrid Fleischer Rex, toqukkut qimaguppoq.

Ilaqutai Facebook aqqutigalugu taama nalunaarput.

- Anaana, Astrid Fleischer Rex, angerlarsimaffimmini asasamini Sæbymiittumi ajoraluartumik ippassaq aggustip 22-ani toquvoq, ilaqutai taama allapput.

Astrid Fleischer Rex siornatigut Landstingitut taaneqartarsimasumut, maanna Inatsisartunik taasartagaannut, 2002-mi qinigaavoq 2014-illu tungaanut politikeriunikuulluni.

Taamani aamma Nuup Kommunalbestyrelsiani 2005-imi ilaasortanngorpoq. Nuup Kommunia 2009-mi Kommuneqarfik Sermersuunngormat borgmesterimut tullersortit siulliattut inissippoq

Astrid Fleischer Rex partii Demokraatit 2002-i pilersinneqarmata aallartitseqataavoq 2013-imili Inuit Ataqatigiinnut nuulluni.

“Anaanap inuppassuarnut qanoq isumaqartigisimanera nalunngeqaarput. Maqaasinassaqaaq,” ilaqutai allapput.

Astrid Fleischer Rex 69-inik ukioqarluni toquvoq, qimataraalu ernini inersimasut pingasut.

Sæbymi ilisaanissani, nammineq kissaataatut piumaartoq, qimagaasut ilisimatitsissutigaat.