Ulloriaaqqap nunarsuarput eqqungajakkaa
Ulloriaaqqap nunarsuarput taama qanitsigalugu sanioqqunnissaa aatsaat ullualuinnanngortut paasineqarpoq. Taassumalu takkuteriasaarnera ilisimatuumit tupaallaatigineqarlunilu ernumalersitsivoq .
Nunarsuarmiit qaammammut 384 kilometerisut ungasitsigaaq ulloriarli sanioqquttoq ima qanitsigaaq taamaallaat 73.000 kilometerisut ungasitsigaluni sanioqqulluni, tamannalu ilisimatuumit ernumanartoqartinneqarpoq.
Ulloriaaqqap nunarsuaq eqqorsimagaluarpagu 1945-mi Hiroshimami qaartinneqartup nukinganit 30-riaammi sakkortunerussagaluartoq, astronomi Alan Duffy tusagassiorfimmut VOX-imut ilisimatitsivoq.
Nunarsuullu ilaani tussimagaluarpat illoqarfissuit aseruatitersimassagaluartut taassuma ilanngullugu oqaatigaa.
Ulloriaaraq "2019 OK"-mik taaguuserneqartoq sekundimut 10 kilometerit ataatilaarlugit sukkassuseqarluni sanioqquppoq.
Alan Duffyllu oqarnera naapertorlugu avataarsuarmiit qanoq sukkatigisumik pisoqariaannaanera ilinniarfigineqartariaqarpoq.
- Pisoq Hollywoodimi filmiliaannaanngilaq, unali pisoq piviusuuvoq navianartoq, Washington Postimut oqarpoq.
Ulloriaaqqamik "2019 OK"-tut angitigisumik nunarsuaq ukiut 100-t matuma siorna Sibiriap nalaani eqqorneqarnikuuvoq. Tunneranilu qaarneq ima sakkortutigaaq orpippassuit nunallu 2000 kvadratkilometerisut annertutigisoq sequmippoq.