Assit: Odensemi kalaallit juullerpalaartut
Odensemi Kalaallit Illuutaanni juullerpalaarnerit novembarimi sapaatip akunnerata naanerani kingullermik aallartipput juullimut niuffatsitsisoqarmat.
- Aqqanilissaa juullimut niuffatsitsivugut tuniniaasullu 22-upput inuillu 7-800-ut takusaapput, Kalaallit Illuutaat KNR.gl-mut nalunaarpoq.
Juullerpalaarnerit decembarip arfernat ingerlaqqipput atlantikup avannaammiut tusarnaartitsinerat oqaluffimmi Graabrødre Kloster Kirkemi pimmat. Savalimmiormiut Islandimiullu erinarsoqatigiivi Mpiri erinarsorput aamma Rasmus Lyberth Odensemi angerlarsimaffeqartoq juullisiutinik kalaallisut atuilluni.
Kalaallit Illutaat inunnik isumaginninnermik aamma suliaqarpoq socialcafenik taallugit ornittakkat Svendborgimi, Vejlemi Esbjergimilu ingerlanneqarlutik. Taakkunanissaaq decembarimi juullerpalaartoqarpoq.
Kalaallit Odensemi ilinniartut aamma juullimut nerersuaqatigiipput juullimi nerisassanik illinnartunik sassaalliisoqarluni.
Nunatsinnisulli juullerpalaarnerit januarip arfernat naggaserneqassapput biskop Sofie Petersen Odensemi kalaallisut naalagiartitsisoralugu.
