Assit atorlugit isummersorit

Kalaallit qanoq isumaqarpat qulequttanut politikkikkut oqaluuserisassanut pingaaruteqarluartunut? Qaanaani piniartoq illoqarfimmini inuuniarnermut atugarititat pillugit qanormita isumaqarpa? Kujataani savaatillit sila pissusaanut allanngortumut qanormita isumaqarpa? Kuummiuni innuttaasut peqqissuseq pillugu qanormita isumaqarpat?

- ’Views from Greenland’ aqqutigalugu kalaallit takussaasumik nipitalerpagut, tassani Qalasersuarmi silap pissusaanut, peqqissutsumut inuuniarnermullu atugarititanut isummersorsinnaanngorlugit. Taamaasilluta innutai Nunat Issittormiut politikkikkut ataatsimiilerpata siammasinnerusumik peqataatissinnaanngorpagut, Leise Johnsen, NAPA-mi pisortaasoq oqarpoq.

- Taamaattumik assiliigit qanoq isumaqarnersutit takutillugu, Qalasersuarmi peqqissuseq, inuuniarnermut atugarititat silallu pissusaanik pillugit, asserlu NAPA-mut nassiullugu mailikkut uunga foto@tuavi.net atit suminngaaneernerlutillu allallugit, kaammattuivoq.

Isummat takkuttut tamaaviisa Katuami ataatsimeersuarnermi saqqummiunneqassapput, taamaasillutik politikerit atorfillillu kalaallit isumaannik takusinnaanngortillugit.

Assinik naliliissapput assiliisartoq Jørgen Chemnitz, assiliisartoq nipilersortartorlu  Angu Motzfeldt, NAPA-mi pisortaq Leise Johnsen eqqumiitsuliornermullu ilinniartoq  Kristine Kreutzmann.

Assit misissussavaat, pitsaanerpaatullu toqqarneqartoq angisoorsuanngorlugu saqqummersinneqassaaq assiliisorlu 5000 koruuninik akissarsitinneqassalluni.

Assilisanik unammisitsineq uani malinnaavigineqarsinnavoq:

http://www.napa.gl/index.php?option=com_content&view=article&id=80%3Afotokonkurrence&catid=5&Itemid=89&lang=ka