Assartuutissat itsineqarpallaarlutillu takivallaarput

Tyskit umiarsui marluk, nunaqarfiit pilersorneqarneranni assartuutitut januaarip aallaqqaataani atorneqalersussat, itsineqarpallaarnertik takivallaarnertillu pissutigalugu nunaqarfinni umiarsualivinnut talissinnaanngillat, aviisi AG ullumi saqqummersoq taama allaaserinnippoq.

Umiarsuaatileqatigiiffimmi Assartuivimmi pisortap, Nikolai Ananiassenip, tamanna uppernarsarpaa, tyskillu umiarsuaataasa usingiartarnissaat ajornakusoortassasoq taassuma aamma erseqqissarpaa.

Umiarsuit itsineqarpallaarnertik takivallaarnertillu peqqutigalugu nunaqarfinni marluinnarni tulassinnaassapput – sinnerini prammit atorlugit ikaassuisoqartariaqartassaaq, tamannalu ajornakusuussagunarpoq.

KNI-p siulersuisuini siulittaasup, Simon Olsenip,

KNI-milu pisortaanerup, Gerhardt Petersenip, tyskit umiarsuaataat atorlugit nunaqarfinni assartuisarnissaq siorna isumaqatigiissusiorfigalugu atsiortuupput. Taama isumaqatigiissusiortoqarmat kalaallit umiartortut 20-t soraarsinneqarput – umiarsuaatileqatigiiffiup sulisussat akikinnerusut polenimiut sulisorerusunnerummatigik.