Assartuinermut ataatsimiititaliaq pilersinneqalerpoq

Ataatsimiititaliami ilaasortassat sisamat toqqarneqareerput. Nunakkut, immakkut silaannakkullu angallannerup ilusissaa pillugu ataatsimiititaliami ilaasortanngortussat qinikkanut aappaagu innersuussuteqassapput.
Allattoq Mads Lynge
oktobarip 20-at 2009 14:17

- Kalaallit Nunaannut tunngassuteqartunut Kalaallillu Nunaata aningaasaqarniarneranut tunngassuteqartunut ilisimasaqarluartut arlaannaannulluunniillu pituttorsimanngitsut ataatsimiititaliami ilaasortaanissaat pingaartissimavarput, Angallannermut, attaveqarnermullu naalakkersuisoq Jens B. Frederiksen oqarpoq.

Assartuinermut ataatsimiititaliami kikkut ilaasortatut toqqarneqarsimanersut Jens B. Frederiksenip oqaatigisinnaanngikkallarpaa, ilaasortassat Naalakkersuisunit akuerineqaqqaartussaammata.

- Angallannerup ilusissaa sorleq aningaasaqarniarnitsinnut akilersinnaanerunersoq paasiniassavarput, siunissarlu ungasinnerusoq eqqarsaatigalugu angallannermut tunngasunut politikkeqarnissaq, Assartuinermut ataatsimiititaliaq aqqutigalugu pilersikkiartuaartinneqassaaq. Tamanna pingaartipparput, Jens B. Frederiksen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq