Assartuinermi Isummersuisooqatigiitiinik pilersitsinissaq naalakkersuisut siunnersuutigaat
Assartuinermi isummersuisoqatigiiliornissaq Demokratinit tapersersorneqarpoq, taannali sioqqullugu suleqatigiissitaliornissaq piumasarineqarpoq,
Assartuinermut isummersuisoqatigiinnik pilersitsinissaq isumassarsiatsialaavoq, taannali kismiissanngilaq. Isummersusisoqatigiit maannakkut tigussaasunik suliassaqarnavianngiaq, Marie Fleischer Demokratineersoq oqarpoq.
Kalaallit Nunaani angallannikkut ajornartorsiuteqartillugu, suleqatigiissitamik pilersitsisoqassaaq, sinerissami sumiiffinni ataasiakkaani angallannikkut pisariaqartitsinernik, ataqatigiissarinermillu pilersaarusiukkamik saqqummiussaaq, tamatumalu kingorna naalakkersuisut inatsisartunut saaqummiussissapput ukiaru februarimi, aasamut angallotoqalinnginnermi Marie Fleischer oqarpoq. Suleqatigissitap saniatigut isummersuisoqatigiit suleqatigiissitap suliaa inatsisartuni qaqeqqinneqarpat.
Suleqatigiissitap innersuussutai inatsisartuni malinneqarpata, naammaginartumillu inissippata, assartuinermut isummersuisoqatigiit suliassarissaavaa angalannikkut ineriartorneq ajunngitsumik ingerlanersoq malinnaaffigissallugu, uparuagassaqarpat isornartorsiugassaqarpalluunniit innersuussisallutik Marie Fleischer oqarpoq.
Angallannikkut ineriartornerup malinnaavigineqarnissaa Assartuinermut Siunnersuisoqatigiit suliassarissavaat. Marie Fleischer Demokraatineersoq oqarpoq.
Angallannikkut Naalakkersusioq Kim Kielsen (S) Assartuinermut Siunnersuisoqatigiit pillugu oqaaseqartinniarsimagaluarparput, pineqartorli inatisartuni oqaaluuserineqartinnagu Kim Kielsen oqaaseqarusunngilaq.