Assartuinermi akit qaffassapput
Royal Arctic Linep assartuinermut akit 2002-mili qaffassimanngilai. Umiarsuarmut assartuummut “Mary Arctica”-mut assigusunik assartuutinik marlunnik sanatitsineq akinik qaffaanermut tunngaviusoq Royal Arctic Line ilisimatitsivoq.
Assartuinermi akit nutaat Naalakkersuisunit akuerineqareerput. Aamma
uuliamut tapi kiisalu aningaasat nalingisa nikerarnerannut tapi, ukiup affakkaartumik iluarsiivigineqartarnerat allanngortillugu, qaammatit marlukkaarlugit iluarsiivigineqartalissasoq Royal Arctic Linemit piumasarineqarpoq. Ukiup affakkaartumik iluarsiinissap tullia pissaaq 1. marsi 2009.
Uuliap akiata appartinneqarnera kiisalu uuliamut aningaasallu nalingisa nikerarnerannut tapip iluarsiivigineqarnerisa malitsigisaannik atuisut aningaasartuuteqarnerussanngitsut, Royal Arctic Line ilisimatitsivoq.
