Nuummi politiit angut inuusuttoq 23-inik siusinnerusukkut tillinniarnermut assigusumut pineqaatissinneqareernikoq sisamanngormat tigusaraat. Angutip angerlarsimaffiani assammiutit 50-it nassaarineqarput.
Angut tigusarineqartoq Nuummi eqqartuussivimmut tallimanngormat ullaap tungaa sassartinneqarpoq, tassanilu tillinniarsimanini nassuerutigaa. Angut sapaatip akunnerini sisamani tigummigallagassanngortinneqarpoq.
Politiit ilimagaat assammiutit qulit nassaarineqanngitsut aqqusinermi tunineqarsimassasut.