Assammik arsartartugut nunarsuarmi pissartanngorniunnermi peqataareerlutik nunatsinnut angerlarlutik ullumi aallassapput.
Tysklandimi nunarsuarmi pissartanngorniunnermi nunat tamalaat tulleriiaarlugit inissititerneranni kalaallit normu 22 -mut inissinneqarsimapput.
Kalaallit angola-miunut ippassaq ajorsalaaqqatorput arsarnerup inernera 28 / 29-ugami.
Sungiusaasuat Jakob Andreassen unammineq pillugu oqarpoq, Angolamut ajorsarnertik uggoreqalugu tassamigooq suami suami ajorsaqqatulaaramik. Aamma erseqqissaatigaa arsartut naggataatigut qasusimasut ilaallu aamma nuffasersimallutik. – taamaassimanngitsuuppata ajugaasimassagaluarpugut, Jakob Andreassen oqarpoq.
Angolamut ippassaq unamminermi Jacob Larsen kalaallini isertitsinerpaavoq, qulingiluanik isertitsigami, taamatullu aamma Minik Dahl Høegh arfineq-pingasoraarluni isertitsilluni.