Assammik arsartartut unammisassaat makitsissutigineqalerput
Nunatta nalunaaqutaa malillugu aqqaninngorpat, angutit assammik arsarlutik nunarsuarmi pissartanngorniutivinnissaanni unammeqattaartussat immikkoortiterneqassapput.
Berlinimi makitsinermi tamanna pissaaq.
Pissartanngorniutivinnerit aappaagu januaarip 19-ianiit februaarip sisamaata tungaanut Tysklandimi ingerlanneqassapput.
Ukioq manna juunip qaammataani Brasiliami Amerikap nunavittaani assammik arsarluni unammersuartoqarmat, Kalaallit Nunaat normu 3-nngorpoq, taamaasillunilu Tysklandimi pissartanngorniutivinnissamut anngulluni.
Holdit 24-iusut immiikkoortukkuutaanut arfinilinnut agguataarneqassapput. Immikkoortukkuutaat tamarmik sisamanik holdeqassallutik.
Pissartanngorniutivinnissamut makitsineq nunat tamalaat assammik arsartartut kattuffiata IHF-ip nittartagaanni malinnaavigineqarsinnaavoq. Nittartakkap adressia tassaavoq:
