Assammik arsarnermi EM KNR-TV-kkuussaaq
Assammik arsarnermi EM Serbiami ullumi aallartissaaq ualimut nalunaaqutaq 16.15 Danmark aamma Sverige unammissallutik.
Qallunaat unammisartui arlallit aasaq Londonimi OL-qarnerani peqataasut maanna peqataanngillat. Tamakku ilagaat Rikke Skov, Trine Troelsen aamma Camilla Dalby. Maanna unammisartut soorlu Lotte Grigel aamma Kristina Kristiansen sungiunniartussanngorpagut.
Unamminissat takutikkumaarpaat Jan Pytlickip unammisartui nutaat Serbiami EM-qarnerani qanoq angusaqarumaarnersut.
Danmarkip gruppeqatigai Sverige, Frankrig aamma Makedonien.
Danmarkip Sverigemut unamminera KNR2-kkut toqqaannartumik malinnaaffigisinnaavat nalunaaqutaq 15.55-miit. Unamminerlu eqqaaneqareersutut nalunaaqutaq 16.15 aallartissaaq.