Assammik arsarneq
Danmarki Kroatiamut ullumi unammissaaq, unamminerlu Danmarkip ingerlaqqissinnaanissaanut pingaaruteqaqaluni.
- Danmarkip pissartanngornissaanut neriuuteqarneq attanneqassappat Kroatia ajugaaffigineqartariaqarpoq, Danmarkip sungiusaasua Ulrik Wilbek, Norgip kujasinnerusortaani Stavangerimi tusagassiortunik katersortitsinermi oqarpoq.
Pissartanngorniutivinnissamut anngunniunnerit siulliit illoqarfimmi pineqartumi ingerlanneqassapput, holdit tamarmik pingasoriarlutik unammissagamik. Danmarkip unamminissai KNR TV-kkut aallakaatinneqarumaarput.
Ualeru nalunaaqutaq marluk qaangerlugit tanneq ataatsimut Danmarki Kroatiamut unammissaaq, Polenimut aqagu unammisoqassaaq, Sloveniamullu sisamanngorpat unammisoqassalluni.
Unamminerit tamarmik nalunaaqutaq marluk qaangilaarneraniit aallakaatinneqartassapput.
Ajugaaniutivinnerit sapaatip-akunnerata naanerani ingerlanneqassapput.
