PAN AM Assammik arsarlutik unammisartut Mexicomut ajugaanerat uani isiginnaaruk
Kalaallit angutit assammik arsarlutik nunanut allanut unammisartui Amerikap nunavittaani assammik arsarluni unammersuarnerni unamminermik aappaanni ajugaaqqipput, tamatumuuna Mexicomut, nikinnermi 18-12-imik siuaqqareerlutik 34-24-imik ajugaangamik.
Allattoq Aaqqissuisoqarfik / Redaktionen
juunip 13-at 2016 10:33
Unammersuarnerit Argentinap illoqarfiisa pingaarnersaanni Buenos Airesimi ulluni makkunani ingerlanneqarput. Mexicomut unamminermi Minik Dahl Høegh aamma Aqqalu Ingemann tamarmik immikkut arfineq-marlunnik isertitsipput.
Unammineq qulaani isiginnaarsinnaavat, Canadamullu unammeqqaarnerat ugguuna.
Unammisartuvut, nunatsinni nalunaaqutaq malillugu nal. 20 unammeqqissapput, tamatumuuna Chilemut. Chile unamminermini siullerni marlunni - Mexicomut Guatemalamullu - aamma ajugaavoq.
