Assammik arsarlutik nunanut allanut unammisartut Igitsinimi 37-nik kiassiorput
Kalaallit assammik arsarlutik nunanut allanut unammisartui Igitsinimi Port Saidimut ippassaq apuupput, assammik arsartartut taakku nunarsuaq tamakkerlugu pissartanngorniunnissamut aqaguagu sisamanngorpamiit peqataassapput.
Sinnakikkaluaqalutik, tassami nalunaaquttap akunnialunnguaannaat sinikkamik, arsartartut ullup qeqqata siorna sungiusartarfimmiipput, Brasiliamullu ualeru sungiusaatigalugu unammissallutik, Brasiliamiut pissartanngorniuttoqarnerata nalaani Kalaallit Nunaat puljeqatigissanngilaat.
Igitsinimi kiattorujussuuvoq, 37-t missaannik kialluni, arsartartullu kiagoqaat, kiammit kuuttuinnaallutik, imerusuersarluartariaqarpullu:
Arsartartut imeq 213 literi ulloq ataaseq imersimagaat angalasut siuttuata, Kurt Lauritsenip, naatsorsorsimavaa.