Assammik arsarluni unamminerit pissanganarsiartorput

Unamminerit pingasut ingerlanneqarput. Siullermik SAK Sisimiut aamma N-48 Ilullissat unammipput - SAK 26inik isertitaqarlutik ajorsarput N-48 27-nik isertitaqarlutik ajugaasut. Unamminermi tassani Lars Møller N-48-meersoq arsallammattut toqqarneqarpoq.

Unamminerup aappaani K-1933 Qaqortoq aamma Norsaq HC  Aasiaat  unamimmata Norsaq HC 36nik isertitaqarluni ajugaavoq K-1933 26nik isertitaqarluni ajorsartoq.
Unamminermi tassani Nuka Peter Ottosen K-1933meersoq arsallammattut toqqarneqarpoq.

Assamik arsarluni pissartanngorniunnerit ippassaq ingerlanneqarneranni unammisut pingajui tassaapput GSS aamma NÛK, tamarmik Nuummeersoq.  Unammineq taanna pissanganartorliunnartumik ingerlanenqareerluni naammassivoq - GSS 26nik isertitaqarluni ajugaavoq NÛK 25-nik isertitaqarluni ajorsartoq.
Gustav Osterman Egede NÛK-meersoq arsarnermi tassani arsallammattut toqqarnerpoq.

Angutit pissartanngortiniutivinnissaani aqagu pisussami GSS Nuuk aamma N-48 Ilulissat unammissapput.

Assammik arsarluni unamminerit KNR-TV-kkut toqqaannarmik aallakaatinneqarput.