Assakaasut ukiorsiutit aqagu taarsereersimanissaat eqqaamallugu
Assakaasut ukiorsiutit sivisunerulaamik atornissaat politiinit apriilip qaammataata naalernerani immikkut akuersissutigineqarpoq.
Allattoq Simon Uldum -
maajip 14-at 2014 09:15
Tassungalu atatillugu Sermersuumi Politiit eqqaasitsissutigaat assakaasut ukiorsiutit kingusinnerpaamik aqagu sisamanngornermi aasarsiutinik taarserneqareersimassasut.
Immikkummi akuersissut aqagumut maajip 15-iani 2014-imut atuuppoq.
Qeqqata Kommuniani aamma assakaasunik taarsersuisoqassaaq
Tamanna aamma Qeqqata Kommunia biiliutilinnut atuuppoq, taakkumi aamma assakaasut ukiorsiutit aqaguutinnagu taarsereersimassavaat.
Qaasuitsup Kommuniani biiliutillit assakaasunik ukiorsiutinik maajip ulluisa 31-iat ilanngullugu atuisinnaapput.
