Biilinik sukkaniulluni Canadami pissartanngorniunnerit Champ Car World Series-imik taaneqartartut Qeqertaalummeersumik sunnerneqalerput.
Tassa eqqumiitsuliortoq Qeqertaalummi Kinngait-neersoq Ohito Ashoona ajugaasut akissarsiassaannik qiperuisussanngortinneqarsimagami.
Sukkaniunnerit immikkoortortaa Canadian Triple Crownimik taaneqartartoq uani pineqarpoq, akissarsiassatullu tunniunneqartartussat arfinillit sananeqassallutik.
Ohito Ashoona-p suliarisartagai Inuit kulturiannit sunnersimaneqartorujussuupput, nunanilu allani aamma ilisimaneqarluarluni.
- Ohito Ashoona-p ajugaasimasut akissarsiarisartagassaannik sanaanniaramitigut nuannaaqaagut, tulluussimaarutissaqalerpugullu, Champ Car World Series-imi præsidenti Steve Johnson oqarpoq.
Ajugaasut akissarsiarisartagassaat inussuttut ilusilersugaassapput. Inussuk siulersuinermut, sapiitsuliornermut, siunertaqarluarnermut piginnaassuseqarnermullu aqqutissiuussisarnerarlugu akissarsiaritinneqartartussat taamatut ilusilersorniarneqarput, Edmontonimilu juulip ulluisa 22-ianni sukkaniuttoqareerpat ajugaasumut siullerpaamik akissarsiaritinneqassallutik.