Pappialanut toqqorsivik pujoralaajaatigalugu atorfilittat paasissutissanik asbestimut tunngasunik ujaarlertussanngorput.
Allagaatit 1986-meersut nassaarineqartariaqartut ujarneqartussanngormata.
Suleqatigiissitaliap tamanna ippassaq ualilluinnaraa atuarfinnut asbest’italinnut tunngatillugu tamanna aaliangiuppaa.
Suleqatigiissitaliap siulittaasua Kunuunnguaq Fleischer KNR-mut oqarpoq allaagatit nassaarineqartariaqartut, ullumikkut oqaatigineqarsinnaanngimmat atuarfiit sorliit asbest’ertaqarnersut.
Nassaat aaliangiisuussapput sanaartukkat qanoq pineqarnissaannut atuarfiit ataasiakkaat qanoq asbest’eqartiginersut paasineqareerpat.
Suleqatigiissitaliap nalilerumaarpaa allagaatit aallaavigalugit ukiuni tulliuttuni aningaasanut inatsimmi tulleriiaakkanut paasisat sunniuteqassanersut.