Asbest GU kollegiami
Aasianni GU-p kollegiaatai marluk asbesteqarsinnaammata matuneqarsimapput, ilinniartullu illoqarfimmut nuutsitaasimasut, AG-p ullumi saqqummersup allaaseraa.
Tamanna paasineqarpoq, Aasiaat kommuneata sanaartukkat misissoreeraalu paasineqarmat torsuusami tappiorannartunik silaannarmiittoqartoq.
Kollegiat taakku marluk 1960-kkunnili sanaajusimapput, GTO-jusimasup sulisuminut sanaartortitarisimasai.
Teknikkimut ingerlatsivimmiit oqaatigineqarsimavoq, illut titartagartaasa pisoqaaqisut takutikkaat, illut pisoqaaqisut taakku torsuusaasa qilaavanni iigaannilu asbest aamma asbestolux sanaartornermi atorneqarsimasut.
Asbest navianartuuvoq, inuup anersaartorfiinut nipputtarami.
Aasiannili GU-p kollegiat inunnut 20-nut naatsorsuussat matugaluarmagit inissat ajornartorsiutigisimanngikkai AG allaaserinnippoq. Tassami GU-p illoqarfimmi inissanik allanik attartugaqartup attartornerminut isumaqatigiissutini sivitsuinnarsinnaasimammagu.
