ARTEK-imi ilinniartut Tivolimi oqaluttuassapput
Sisimiuni ilinniartut, Center for Arktisk Teknologimeersut, ARTEK-imik naalisarneqartartumeersut, seqerngup qinngugaanik tigooraasunillu Tivolimi Kalaallit Nunaat pillugu nalliuttorsiorneranni oqaluttuarissavaat.
juulip 17-at 2009 05:17
Ilinniartut Tivolimi namminneq oqaluttuarniarnerat sapaatip akunnerata tulliata naanerani pisussaq, isigineqassaaq silap pissusaa pillugu Naalagaaffiit Peqatigiit ataatsimeersuarnissaanut kissassernermik, Sermitsiami ullumi saqqummersumi tamanna allaaserineqarpoq.
ARTEK ilinniagaqartunik peqataatitsissaaq, taakkulu oqaluttuarissavaat seqerngup qinnguaanik tigoraasunillu atoqqitassanik kalaallit misilittagaqarnerat.
Taassuma saniatigut Illu Atlantikumi saqqummersitaq "In the Eye of Climate Change"-imik atserneqarsimasoq ussassaarutiginiarneqarpoq.
Saqqummersitsinissaq silap kissatsikkiartorneranut tunngatillugu ataatsimeersuarnissami, Københavnimi pisussami, Namminersorluni Oqartussat takutitsiniarnerannut ilaavoq.
