Arsummi teriannianik perlerortoqarsinnaanera aarleqqutigineqartoq

Arsummi terianniamik perlerortoqarneranik pasitsaassisoqarpoq, uumasullu taamaattut qanillineqannginnissaat pingaaruteqartupilussuuvoq. Aammattaaq nerisassanik eqqagassanillu maaniinnaarmiititsinnginnissaq pingaaruteqarpoq, teriannissanik qaninngoortitsisinnaammata. Kommuneqarfik Sermersooq taama ilisimatitsivoq.
Assi © : Mark Dupont/Flickr
Allattoq Simon Uldum -
decembarip 16-at 2014 06:04

Arsummi arsuullu eqqaani terianniamik nujuisertumik, allanartumillu pissusilersortumik naammattuuisoqaruni piaartumik qimmilerisumut uunga nalunaarutigineqassaaq, Leif Jensen mobil 565922.

AAMMA ATUARUK Arsummi teriannianik perlerortoqarsoralugu mianersoqqusipput

Kommuuni Nunatsinni inuussutissalerineq aamma inuussutissat pillugit Oqartussaaffik suleqatigalugu, terianniap toqunneqarnissaa, perlerornersorlu misissorneqarnissaa isumagissuaa.

 

Qimmit qitsuillu akiuussutissamik kapitissimanissaat pingaaruteqarpoq

Nalornissuteqaruit annertunerusumillu paasisaqarusukkuit, Nunatsinni inuussutissalerineq aamma inuussutissat pillugit Oqartussaaffik attavigineqarsinnaavoq.

Qimmit qitsuillu tamarmik illup iluani isersimatinneqassapput, qulakkeerneqassaarlu ukiut kingullit 3-sut iluanni perlerornermut kapitissimanissaat.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq