Arsuk nioqqutissanik pilersornerlunneqaqaaq
Royal Arctic Bygdeservice-p Arsummut nioqqutissanik peqqinnartunik pilersuinerlunnera malunniunnerlorujussualerpoq, ukiorluni anorersuakulalermat arsummiut umiatsiaminnik qallunniarsinnaajunnaarmata. Arsummi atuisartut ilaat Katrine Mikaelsen oqarpoq naatitat nioqqutissallu allat Arsummut anngunneqaraangata atuisartut pilerngutiinnavittartut nunguussaasullu tullissaanut sivisuumik utaqqisariaqartartut.
Katrine Mikaelsenip aamma erseqqissaatigaa, Arsummi Pilersuisoq A/S-ip Arsummut nioqqutissanik pilersuinerlunneq pisuussutiginngikkaa. Arsummi niuertoq Hanne Jakobsen oqarpoq Roayl Arctic Bygdeservice-p Danmarkimit Narsamut umiarsuaqaraluaraangalluunniit nioqqutissat nutaat utaqqeqqaarnagit nunaqarfinnut ingerlaannartarnera ajornartorsiutaammat, Qaqortumi Pilersuiviup kujataani qullersaqarfianut naammagittaalliutertik apuutereersimagitsik sulili akisoqanngitsoq.