Arsakoq imatut siaruaakkiartorpoq
Qaqqap innermik anitsisup arsakuisa qullakaasut nakkutigineqarfiat Naviair nalunaarpoq silaannaq Kulusuup avannaaniit Costable Pyntip tungaanut timmisartorfigeqqusaajunnaarallartoq.
Allattoq Noah Mølgaard
maajip 23-at 2011 13:50
- Maannakkuugallartoq oqaatigisinnaavarput arsakut kitaani timmisartuussinermut aqagu ullaakkut tungaanut akornusiinissaat ilimananngitsoq, Naviairimi tusagassiorfinnut pigaartuusoq KNRimut taama ilisimatitsivoq. Maannali oqaatigisinnaannginnerarpaa arsakut qullaasut ulluni tulliuttuni nunatsinni qanoq siuaruaakkiartorumaarnersut.
Naviairip isumagisaraa Danmarkimi nunatsinnilu silaannakkut angallannerup isumannaatsuunissaa.
Arsakut qaqqap innermik anitsisup Grimsvötnip qullaatitai annertoorujussuarmik siaruaassimaalerput. Tunup ilaa eqqorneqarpoq, Maannamuugallartorli kitaa eqqorneqanngilaq tuluit alapernaarsuiffiata Met Officep ataasinngornermi saqqummiussaa naapertorlugu.
