Arsaattunik nuannarisalinnut nutaarsiassatsialak
Tv-kkut raatiu kanaali digitaliusoq P3 pigigaanni taava danskit nunanut allanut unammisartuisa Cypernimiunut unamminerat nalunaaqutaq sisamaniit toqqaannartumik tusarnaarneqarsinnaavoq.
Allattoq Louise M. Kleemann
Radiukkut aallakaatitsineq toqqaannartoq “Sport på 3’eren” Andreas Kraul malinnaasoralugu nalunaaqutaq 16-imiit aallartissaaq.
Aamma Danmarkip Portugalillu EM-imut anngunniullutik unamminerat marlunngornermi oktobarip aqqarnganni KNR-TV-kkut toqqaannartumik aallakaatinneqassaaq.