Maannakkut tunuartoq tassaavoq tassaavoq Tønnes Berthelsen, siulersuisuniit ingerlaannaq tunuarniarluni sapaatip-akunnerisa marlussuit matuma siorna taassuma nalunaarutigaa.
Siulersuisunut ilaasortani ukiut marluk ingerlaneranni tunuartuni Tønnes Berthelsen pingajuuvoq.
Kalaallit Nunaannit Timersoqatigiit Kattuffiata nittartakkamini oqaluttuaraa, siulittaasoq Lars Lundblad suleqatikkuminaatsikkamiuk Tønnes Berthelsen tunuarniarluni aalajangernerarsimasoq.
gif.gl-imi atuarneqarsinnaasut malillugit Tønnes Berthelsenip erseqqissumik paasissutissinneqartarsimannginnini tunuarnerminut pissutigaa.
Siulersuisuni ilaasortat ilisimateqqaallannguarnagit GBU-p Kalaallit Nunaanni Timersoqatigiinnit aqunneqalernissaa 2009-mi aalajangerneqarsimammat aamma naammagittaalliuutigigaa oqaatigineqarpoq.
Siulersuisuni ilaasortat ukioq-manna maajimi aatsaat ilisimatinneqartut, Kalaallit Nunaanni Timersoqatigiit Kattuffiat ilisimatitsivoq.