Arsaattartut immikkut tapiiffigineqartalissanngillat

Arsaattartut aningaasanik amerlanerusunik pisortanit tapiiffigineqartalernissaat kattuffiit akornanni amerlanerussuteqartunit kissaatigineqanngilaq.
oktobarip 18-at 2010 05:30

Kattuffiit arfineq-pingasut pisortaat, Timersoqatigiit Kattuffiannut atasut, Nuummi arfininngormat ataatsimeersuarput.

Oqaluuserineqartunut ilaavoq timersortartunut pisortat tapiisarnerisa allanngortinneqarnissaannut Kalaallit Nunaanni Arsaattartut Kattuffiata siunnersuutaa.

Arsaattartummi Kattuffiat kattuffinni annersaavoq - taamaammat arsaattartut tamarmik immikkut tapiiffigineqartalernissaat Arsaattartut Kattuffiata kissaatigaa.

Arsaattartut Kattuffiat siorna ataatsimeersuarnermi massakkut siunnersuummut assingusumik siunnersuuteqarpoq - siunnersuulli kattuffiit sinnerinit siornatut itigartinneqarpoq. Inerneralu erseqqippoq: Siunnersuut 25-nit itigartinneqarpoq, pingasut akuersaaraluartut, Timersoqatigiit Kattuffiata nittartagaani gif.gl-imi atuarneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq