Futsalerlutik nunanut allanut unammisartunut sungiusaasumut ikiortinngortoq

Angutit futsalerlutik nunanut allanut unammisartuisa sungiusaasui ilapput.
- Arsaattartut nunatsinni Nordic Cuppimi angusaqarluarnerappaarusuttut, angusaqarluarnissaannut pitsanngorsarnissaanullu suleqataanissara qilanaaraara, sungiusaasumut ikiortinngorlaaq; Kaassannguaq Zeeb, oqarpoq. Assi © : Privatfoto
Allattoq Nutaarsiassaqartitsivik / Nyhedsredaktionen
februaarip 18-at 2020 13:29

Kaassannguaq Zeeb futsalerlutik nunanut allanut unammisartunut sungiusaasumut ikiortinngortoq, Kalaallit Arsaattartut Kattuffiat (KAK) nalunaaruteqarpoq.

- Pikkorissunik misilittagalinnik sungiusaasoqarnissaq, suleqatigiilluarsinnaasunik peqarnissarput pingaartipparput. Kaassannguaq ilippanaateqarpoq misilittakkaminillu inuusuttunut ingerlatitseqqiisinnaalluarluni, nunanut allanut unammisartunut sungiusaasoq, René Olsen oqarpoq.

Nunatsinni arsaattartut piginnaaneqarluarlut ineriartortinnissaat sungiusaasut anguniagassaraat, taakkumi anguniagaasa tulleraat decemabrimi Nordic Cuppernissaq.

- Arsaattartut nunatsinni Nordic Cuppimi angusaqarluarnerappaarusuttut, angusaqarluarnissaannut pitsanngorsarnissaanullu suleqataanissara qilanaaraara, sungiusaasumut ikiortinngorlaaq oqarpoq.

KAK 5,5 millionit koruuninik pissarsissaguni Nordic Cup Nuummi ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq