Arsaattartunut ajoqusiiniaq tigusaraat
Arsaalluni nunarsuaq tamakkerlugu Sydafrikami qaammatip tulliani pissartanngorniunnissamut atatillugu peqqarniisaarniartartunut al-Qaedakkunneersoq nuimasoq peqqarniisaarniarnissaminut pilersaarusiortutut pasillugu, Irakimi isumannaallisaanermik sulialinnnit tigusarineqarpoq.
Allattoq Elisa Isaksen
Nutaarsiassaqartitsivimmi AP-mi tamanna ilisimatitsissutigineqarpoq.
Irakimi isumannaallisaaniarneq pillugu oqaaseqartartoq, sakkutuut naalgaat Qassim al-Moussavi, ippassaq ilisimatitsivoq, Abdullah Azam Saleh al-Qahtani, Saudiarabiami siornatigut sakkutuujusimasoq tigusarineqartoq.
Irakimi oqartussaasut oqaatigaat, tigusarineqartoq Irakimi arlaleriarujussuarluni 2004-mili peqqarniisaartarsimasoq, Bagdadimi akunnittarfiit ungasinngitsukkut arlaleriaqalutik qaartartumeerneqarneranni soorlu aamma peqataasimasoq.