Arsaannermi pissartanngorniunneq ullumi aallartissaaq
Holdit arfineq pingasut ukiormanna pissartanngorniutivinnissamut annguttuupput.
Pulje 1-imiittut tassaallutik G44 Qeqertarsuarmeersoq, FC Malamuk Uummannameersoq, B67 Nuummeersoq aamma K33 Qaqortumeersoq.
Pulje 2-miillutik N85 Narsameersoq, N48 Ilulissaneersoq, Qimmeq 45 Upernavimmeersoq aamma Nûk Nuummeersoq.
Ammaanersiorlutik ullumi ataatsinut unammisussat tassaapput unammersuarnermik aaqqissuisut Nûk aamma Qimmeq 45 Upernavimmeersut.
Nuummi arsaattarfik maanna nalunaaqutaq arfineq-pingasunngortoq putsuarissuuvoq, ullaap tungaanili pujuernissaa neriuutigiinnarniartigu, taamaalillutami unammineq ataatsinut aallartippat KNR-TV-kkut malinnaaffigisinnaaniassagatsigu.
Ulluni tulliuttuni unamminernit KNR-TV ualikkut aallakaatitsisassaaq.