Arsaannermi GM angallannermi ajornartoornermit eqqugaasoq
Arsaannermi GM-mi ullumikkut nalunaaqutaq ataatsimut aallartittussami ullut kingulliit silaannakkut ilaasunik angallassinerup kipiluttunarnera malugivaat.
Ataasinngorneq 8. august:
Nal 15.00 IT-79 - G-44
Nal 17.00 K-33 - SAK
Nal 19.00 Nagdlúnguak - UB-83
Marlunngorneq 9. august:
Nal 13.00 IT-79 - K-33
Nal 15.00 B-67 - UB-83
Nal 17.00 G-44 - SAK
Nal 19.00 Nagdlúnguak - T-41
Pingasunngorneq 10. august:
Nal 13.00 IT-79 - SAK
Nal 15.00 UB-83 - T-41
Nal 17.00 G-44 - K-33
Nal 19.00 Nagdlúnguak - B-67
Sisamanngorneq 11. august
Nal 13.00 B-67 - T-41
Tallimanngorneq 12. august
Semifinalerfik
Arfininngorneq 13. august
Finalerfik
B-67-ip Nuummeersup sapaammi aallarnissaralua tamaatiinnarneqarpoq ullumilu ataasinngornermi aamma apuussinnaanatik.
Kalaallit Nunaanni arsaattartut kattuffiat KAK aamma aaqqissuisut Nagdlúnguak sapaammi unnukkut ataatsimiinnermi unamminerit tulleriiaarnissaannik nutaamik sanapput.
- Sisamanngorneq qasuersaarfissatut pilersaarutaagaluartoq aamma ataasiarluni unammiffiussaaq, KAK-mi allaffissornermi aqutsisoq Nîsínguak Geisler ilisimatitsivoq.
Aamma B-67ip marlunngornermi apuutinngitsoorsinnaanera piareersimaffigineqarpoq. Unammersuarnernik aqutsisut ilisimatitsipput kinguaattoortoqaqqissappat unamminerni B-67 ajorsartutut nalunaarutigineqartarumaartoq.
Maannali tamarmik neriuutigaat angallassinissamut pilersaarut nutaaq iluatsikkumaartoq.
Kinguaattoorneq pissutigalugu unamminerni aallarniutaasuni unammineq kingulleq B-67-ip aamma T-41-p Aasianneersup akornanni pisussaq sisamanngornermi ullup qeqqata kingornanut nuunneqarpoq.