Arsaannermi EM KNR-TV-kkuussaaq

Arsaannermi 14-issaa EM-qarnissaanut KNR-TV-ip aallakaatitassaasa tulleriiaarnerat takuuk, tassani Europami nunanut allanut unammisartut kakkannerit 16-it unammersuassapput.
Allattoq Noah Mølgaard
maajip 30-at 2012 08:05

KNR-TV-mi arsaattut KNR-TV-mi juunimi takussaassaqaat. Unamminerit aallarniutaasut nalaanni ullormut unamminerit marluk aallakaatinneqartassapput.

Toqqaannartumik aallakaatitsinerit aallartissapput juunip arfineq pingajuat EM-mik aaqqissuisut Polen aamma Grækenland Warszawa-mi Warsaw National Stadium-mi ammaanersiornermi unammissammata. Unammineq taanna toqqaannartumik KNR-TV-kkut isiginnaarneqarsinnaavoq nalunaaqutaq 13.50. Ulloq taanna aamma Rusland Tjekkialu KNR-TV-kkut toqqaannartumik aallakaatinneqartumik unammissapput.

Danmark siullermeerluni unammissaaq arfinngorneq juunip qulingiluaat tassani Holland unammissallugu. Unammineq taanna toqqaannartumik aallakaatinneqassaaq nalunaaqutaq 13.45.

Kvartfinalet aallartissapput inuiattut ullorsiorfimmi juunip 21-at. Danmark tassunga anngutissanersoq paasinarsiumaarpoq Morten Olsenip arsartuisa Holland, Portugal aamma Tyskland unammereerpatigit EM-mi unammiffiusup aappaani Ukraine-mi.

Unamminerit ingerlaqqinnissaannut aallakaatitassanut pilersaarut kingusinnerusukkut saqqummiuneqarumaarpoq.

Linki ataaniittoq toorlugu aallakatitassat tulleriiaarnerat aajuk.